ಹಸಿರತ್ತ ಹಸಿರಿತ್ತ ತುಂಬಿತ್ತ ಆಷಾಢದಾಗ
ಕಾಲ ಕರೆದಿತ್ತ ಪಶ್ಚಿಮ ಘಟ್ಟದ ದೂಧಸಾಗರದತ್ತ
ಗಿರಿ ನೆತ್ತಿಯಿಂದ ನೀರ ಬೀಳ್ತಿತ್ತ ಅಲ್ಲಿ
ಝರಿ ಕುಣೀತಿತ್ತ ಬಂದವರ ಚಿತ್ತ ಸೆಳೀತಿತ್ತ
ನೀರ್ ಆವ್ಯಾಗಿ ಮ್ಯಾಗ್ ಏರಿ ಮಾಡ ಆತಿತ್ತ
ಸೂರ್ಯನ ಮೋತೀಗಿ ಮುಸುಗ ಹಾಕ್ತಿತ್ತ
ಅತ್ತಿತ್ತ ಓಡ್ತಿತ್ತ ಮಾಡ ಮತ್ತ ಬರ್ತಿತ್ತ
ಧೋ ಅಂತ ಹುಚ್ಚ ಮಳಿ ಸುರಸ್ತಿತ್ತ
ಮಳೀಗಿ ಸೊಕ್ಕಿತ್ತ ಮಾಂಡೋವಿ ನದಿ ಉಕ್ತಿತ್ತ
ಗಡಬಡ ಮಾಡ್ತಿತ್ತ ನದಿ ನೀರ
ದಡಬಡ ಹರದು ಬಂಡೀಗಿ ಬಡೀತಿತ್ತ
ಧಡ್ ಧಡಲ್ಲನೆ ಗುಡ್ಡದಡಿಗಿ ಧುಮಕ್ತಿತ್ತ
ಎದ್ಯಾಗ ಢವಢವ ಎಬಸ್ತಿತ್ತ
ಬಡಬಡ ಓಡ್ತಿತ್ತ ನೀರ ಕಡಲೊಡಲ ಸೇರ್ತಿತ್ತ
ಹಸಿರು ಹೆಪ್ಪುಗಟ್ಟಿದ ಕಾಡಿನ ಮೌನದೊಳಗ
ತಂಗಾಳಿ ಬೀಸಿತ್ತ ಕಿವಿಯೊಳಗ ಸಣ್ಣಗ ಉಸಿರಿತ್ತ
ಶಿವನು ಜಡ್ಯಾಗ ತಡದ ಭಾಗೀರಥಿನೂ ಹಿಂಗ ಧುಮುಕಿತ್ತ
ರುದ್ರರಮಣೀಯ ಸೌಂದರ್ಯ ಅಂದ್ರ ಇದ ನೋಡ ಎಂದಿತ್ತ
